Prosiectau Arddangos

Dros gyfnod o flwyddyn bu EDC yn gweithio’n agos â chwmnïau’n cynrychioli pedwar sector blaenoriaeth Llywodraeth y Cynulliad i gael gweu ecoddylunio a syniadau cylch oes i’w harferion gweithio.

Dyma drosolwg o’r pedwar cwmni a ddewiswyd ynghyd â disgrifiad o’u prosiectau:

	Global Laser Limited Sector: cyfarpar trydanol ac electronig Trosolwg o’r cwmni: Mae Global Laser yn arwain y farchnad o ran dylunio a chynhyrchu modiwlau deuod laser arbenigol. Nod y cwmni yw arwain y ffordd o ran dylunio modiwlau deuod laser sy’n well i’r amgylchedd. Cwmpas y prosiect: Meincnodi cynhyrchion (drwy asesiad cylch oes), cyfathrebiadau ar gyfer datblygu cynhyrchion newydd (e.e. modiwl deuod laser sy’n ynni-effeithlon) a strategaeth y busnes yn y dyfodol.
	Orangebox Limited Sector: Gweithgynhyrchu Trosolwg o’r cwmni: Mae Orangebox yn arwain y farchnad yn y DU o ran ymchwilio, datblygu, cynhyrchu a gwasanaethu seddau ar gyfer yr amgylchedd masnachol. Nod y cwmni yw arwain y ffordd o ran cau dolenni deunyddiau. Cwmpas y prosiect: Dadansoddi deunyddiau (defnyddio dull o’r crud i’r crud) a strategaeth rheoli diwedd oes yng nghyd-destun datblygu cynhyrchion newydd (cadair dasg).
	The Knobbly Carrot Organic Food Company Sector: Bwyd a diod Trosolwg o’r cwmni: Mae’r Knobbly Carrot Organic Food Company yn ymrwymedig i greu bwyd organig ffres blasus a gaiff, ble bynnag y mae’n bosib, effaith bositif bob amser ar yr amgylchedd. Nod y cwmni yw dod yn arweinydd yn y farchnad cawl ffres yng Nghymru a chodi’i broffil yn sylweddol ar draws y DU. Cwmpas y prosiect: Datblygu’r brand a phecynnu newydd yng nghyd-destun y gyfres bresennol o gynhyrchion cawl organig. Datblygu’r strategaeth fusnes yn gyffredinol.
	G24 Innovations Limited Sector: Technoleg garbon isel - Electroneg Trosolwg o’r cwmni: Nod G24 Innovations yw personoleiddio pŵer yr haul drwy arwain datblygiad marchnad fyd-eang ar gyfer celloedd solar hyblyg ysgafn dros ben. Cwmpas y prosiect: Cydymffurfio â deddfwriaeth amgylcheddol ac asesu cylch oes cynhyrchion yng nghyd-destun datblygu cynhyrchion newydd.