Trosolwg ar Fenter Ecoddylunio

Rhwng Medi 2006 a Medi 2008, roedd EDC yn gyfrifol am ddylunio a chyflawni Menter Ecoddylunio ar gyfer Cymru. Roedd y fenter yn hybu ffyrdd newydd o ddefnyddio adnoddau’n effeithlon drwy hyrwyddo a hwyluso’r newid diwylliannol gofynnol mewn diwydiant, addysg uwch a rhanddeiliaid allweddol eraill.

Ymhlith prif weithgareddau’r Fenter roedd:  

Diwydiant: Gweithio gyda 4 o fusnesau bach a chanolig eu maint yng Nghymru o’r sectorau blaenoriaeth (bwyd a diod, gweithgynhyrchu, cyfarpar trydanol ac electronig (CTE), a thechnoleg garbon-isel) dros gyfnod o 12 mis ar brosiectau ecoddylunio masnachol. Roedd y Fenter wedi archwilio i’r ffyrdd y gellid defnyddio a gweu egwyddorion ecoddylunio a syniadau cylch oes mewn strategaethau busnes craidd â’r nod yn y pen draw o newid y ffordd y caiff cynhyrchion eu datblygu a’u defnyddio.

Addysg: Gweithio gydag arweinwyr cyrsiau a darlithwyr o bedair prifysgol yng Nghymru i gael gweu ecoddylunio a chynaladwyedd i addysg dylunio cynhyrchion. Roedd y gweithgareddau’n cynnwys hyfforddiant a sesiynau rhwydweithio i’r staff, darlithoedd gwadd i’r myfyrwyr, a chyd-ddatblygu pecyn adnoddau addysgu ar ecoddylunio. 

Polisi: Gweithio gyda Llywodraeth y Cynulliad i gefnogi datblygiad ac adolygiad dogfennau polisi allweddol, gan gynnwys Strategaeth Wastraff Cymru a Strategaeth Swyddi Gwyrdd. Mae EDC wedi ymgynghori a chynghori ar bolisi rhyngwladol a chenedlaethol y DU.

Cyfathrebu: Cyfathrebu achos polisi a busnes dros ecoddylunio drwy ddigwyddiadau, rhwydweithiau, gwefan EDC ac e-ddiweddariadau wedi’u targedu i ystod eang o randdeiliaid cenedlaethol a rhyngwladol.

Ymchwil: Ymgymryd â sganio arfer gorau rhyngwladol, ymchwil cymhwysol, monitro a gwerthuso.