Beth yw Ecoddylunio?

Dylunio yw’r ffordd ymarferol y bydd asedau creadigol cwmni, sy’n angenrheidiol ar gyfer arloesi, yn cael eu sianelu er mwyn sicrhau mantais gystadleuol. Mae mwy a mwy o dystiolaeth ar gael sy’n cysylltu dylunio da â pherfformiad cwmni.

Mae ecoddylunio yn broses rheoli dylunio strategol sy’n ymwneud ag isafu effaith cylch oes cynhyrchion a gwasanaethau (e.e. ynni, deunyddiau, dosbarthu, pecynnu a thriniaeth diwedd oes). Mae hyn yn cynnwys asesu, blaenoriaethu ac yna ddylunio er mwyn cael gwared ar broblemau neu ddylunio atebion newydd. Gall yr atebion hyn amrywio o enwi deunyddiau adnewyddadwy, torri i lawr ar yr ynni a ddefnyddir hyd at greu model busnes newydd.

Ecoddylunio = dylunio da = ymarfer busnes da

Mae ecoddylunio’n ystyried hefyd effeithiau cymdeithasol cynhyrchu a defnyddio cynhyrchion a gwasanaethau, gan gyfrannu’n sylweddol i ddatblygu cynaliadwy.
Mae cyfathrebu a meithrin syniadau ecoddylunio yn rhan o ddatblygu cynhyrchion yn y dyfodol, yn hollbwysig.

Drwy herio’r status quo, mae gan ecoddylunio rôl allweddol yn y symud yn fyd-eang i gyfeiriad economi fwy cynaliadwy.

Yn syml, mae ecoddylunio yn ddylunio da ac yn ymarfer busnes da drwy fabwysiadu dull syniadau cylch oes holistig, sy’n ymestyn y weledigaeth ddylunio y tu hwnt i ffiniau traddodiadol cynhyrchu a defnyddio.

Dulliau Ecoddylunio

Mae Syniadau Cylch Oes yn golygu bod rhaid ystyried effeithiau cylch oes llawn cynhyrchion, y pecynnu neu’r gwasanaeth. Mae hyn yn cynnwys echdynnu deunyddiau, cynhyrchu, dosbarthu, adwerthu, y defnydd a wneir, a’r diwedd oes. Gall cwblhau Asesiad Cylch Oes gymharu opsiynau dylunio gwahanol fel y gellir dewis yr opsiwn lleiaf niweidiol.

Mae Dylunio ar gyfer Dadosod yn ystyried ffyrdd hawdd o dynnu mathau gwahanol o ddeunyddiau’n rhydd oddi wrth gynnyrch unwaith y bydd oes ddefnyddiol y cynnyrch hwnnw wedi darfod, er mwyn caniatáu ailgylchu effeithiol.

Lleihau effaith negyddol cynnyrch ar yr amgylchedd, er enghraifft drwy gael gwared ar ddeunyddiau neu gemegolion peryglus, heb amharu ar y dyluniad. 

Ail-ddylunio’r cynnyrch neu’r system gynhyrchion, er enghraifft drwy ail-ddylunio’r cynnyrch i gael manteisio ar ddeunyddiau mwy cynaliadwy a dulliau cynhyrchu glanach.

Ail-ddiffinio cynnyrch neu wasanaeth i gael ateb sy’n dderbyniol yn fasnachol ac sy’n gynaliadwy, er enghraifft drwy ystyried ai car yw’r ateb gorau er mwyn symud o A i B.

Pam Ecoddylunio?? 

Gall ecoddylunio wneud gwahaniaeth uniongyrchol allweddol i’r waelodlin drwy dorri costau, cynyddu’r gwaith arloesol, sicrhau buddsoddi, gwella safle brandiau a gwella cyfathrebu busnes. 

O’i ddefnyddio’n broses rheoli dylunio strategol, gall ecoddylunio helpu cwmnïau mewn ffordd ragweithiol i gydymffurfio â’r ddeddfwriaeth amgylcheddol.

Mae’r ddeddfwriaeth ganlynol sy’n ymwneud â chynhyrchion a gwasanaethau yn berthnasol i ddiwydiant yng Nghymru:

• Cyfarwyddeb Cyfarpar Trydanol ac Electronig Gwastraff (WEEE)
• Cyfarwyddeb Cyfyngu ar Sylweddau Peryglus (RoHS)
• Cyfarwyddeb Pecynnu a Gwastraff Pecynnu
• Cyfarwyddeb Cynhyrchion sy’n Defnyddio Ynni (EuP)
• Cyfarwyddeb Diwedd Bywyd Cerbydau (ELV)
• Cyfarwyddeb Tirlenwi